【家庭開支】夫妻月入10萬淪負資產港媽發帖呻窮網民熱議：低級中產一直最慘

By Dara on 04 Sep 2025

Deputy Managing Editor

當自己成為父母，才明白父母的喜怒哀樂，以及無私的愛！

政府統計處公布全港就業人士最新收入中位數為$22,300，照推論，月入10萬的家庭已「贏咗99%香港人」。但近日一位港媽卻指即使月入10萬，生活過得十分艱難，除掉供樓、養家、請工人等龐大開支下，幾乎所剩無幾。網民表示感同身受，「低級中產」一直過得最慘。不過亦有人指出，事主身在福中不知福。

Photo from MamiDaily

高收入的底層生活

港媽在Threads網上發帖，概嘆在香港沒有「父幹」，生活過得十分艱難。她表示自己與丈夫月入合計10萬港元，因要供樓、養家、請工人、照顧兒子等，每個月幾乎所剩無幾，甚至因樓價下跌淪為負資產，自嘲是「真香港最底層」。

港媽又列出支出清單，讓網民看到了高收入背後的真實壓力，單是供樓、水電煤、差餉已佔去三分之一，每月支出高達8萬以上，若扣掉稅款，儲蓄難以進行。

項目	開支
供樓/水電煤/差餉	約3萬中
兒子興趣班	$2,000
兒子學費	$6,000
工人薪金	$5,000
伙食費	$10,000
購物/3人保險	$10,000
四大長老家用	$10,000

收入高開支大

港媽無奈表示：「供咗層樓6年，到頭來仲要變負資產。居屋又無資格抽，想當年家人$1都無幫過我哋，全部靠自己。相反，朋友家人幫佢哋full pay層樓，兩個每月搵5萬都好好洗。」

許多網民認為，這類「低級中產」的困境，正正反映了香港社會的深層次問題。「樓主我明白你，低級中產係社會制度最歧視嘅一層。基層有扶貧有公屋etc，高級中產以上根本唔在乎日常生活果少少錢。唯獨低級中產稅交得多，政策優惠最少。」有人指，香港不少中產家庭生活不如想像般好，供子女讀直資/國際學校、交子女補習費、供樓、養工人、養四大長老、交税及保險金後，可能需要節衣縮食，「努力向上爬到中產又如何，辛苦命一條」。

Photo from 《過時·過節》劇照

中產淪為負資產

港媽亦提到負資產問題，她回應：「有人話我哋點解六年前買樓？咁我哋畢業後出嚟做嘢做咗六七年，儲夠錢就買樓。當初衡量過唔買樓就要租樓，都要15k左右一個月，所以選擇買樓。我夠知10幾年前買樓會賺，但我仲係學生，請問點買？」

網民亦就着這題材大呻特呻，「呢幾年買嘅業主，邊個唔係跌緊一兩球丫，我就跌咗13%，自住驚__，算啦」、「結完婚就買樓結果接晒貴貨」、「樓就係高峰買入，我都唔想，依家個個知道歷史就當然講唔買樓，但係當你樓市高峰嘅時候一年升100萬時，心都驚，仲要差唔多結婚，無奈都要買」。

Photo from MamiDaily

開源節流應對困境

有熱心的同路人親授開源節流方法，建議小朋友轉讀津校，可節省數千元學費，同時減少家用，幫長老申請長者生活津貼，平日食平嘢、多煮飯，戒買衫和奢侈品，量入為出。另外有人建議：「你可以計計買果層租出去，再租村屋有冇So. 。我哋都係上年年頭租咗自住樓出去剛剛好cover mortgage 加管理費。轉租村屋700尺加埋車泊門前慳番停車場，一來一回慳咗差唔多2萬一個月」。最後是努力想方法賺多些錢，找機會搵秘撈或part-time，增加收入，還要「調整心態」，學會凡事感恩，不與他人比較。

Photo from 《最初的晚餐》劇照

網民：無病呻吟

另一方面，不少人認為港媽無病呻吟，「完全睇唔到辛苦係邊，一個月可以洗七皮幾喎冇錢消費就話苦啫，你有錢洗喎」、「搵10萬，得一個小朋友，都話辛苦。咁都真係抵你辛苦」、「每個月儲到二萬wor，有啲人成份糧先得呢個數」、「月入100,000仲出來呻窮！搵一兩萬嗰啲點啊？相信你搵1,000,000一個月，都一樣有問題！」。